ბეჩო - გულის უღელტეხილი - მესტიის საფეხმავლო მარშრუტი

ბეჩო-გულის უღელტეხილი- მესტია რთული სალაშქრო ბილიკია. მისი ჯამური ფეხით გასავლელი მანძილია 25 კილომეტრი, რისთვისაც 2 დღე დაგჭირდებათ. თუმცა თუ ლაშქრობას ბეჩოდან ძალიან დილით ადრე დაიწყებთ და არც გამოწვევეი გაშინებთ, მაშინ ბილიკის ერთ დღეში დალაშქვრასაც მოასწრებთ.

ბილიკის დასაწყისი სოფელი ბაგვდანარაშის ასახვევთანაა. რამოდენიმე საათიანი ლაშქრობის შემდეგ, მიადგებით „გულის“ ნასოფლარს, სადაც შეგიძლიათ ნახოთ კოშკების ნანგრევები და მიტოვებული საცლების ნანგრევები. აქვეა გულის გაბრიელ მთავარანგელოზის ეკლესიაც, რომელიც IX-X საუკუნით თარიღდება. გულის უღელტეხილიდან ბილიკი ეშვება ხეობაში და ფერდობით გადადის ქორულდის ტბებისკენ. ბილიკი კვეთს გზას, თუმცა აქ ბილიკს ზემოთ, ტბებისკენ უნდა აუყვეთ. ღამის გათევა და დაბანაკება ტბებთან შეგიძლიათ.

მეორე დღე შედარებით მარტივია, ამ დღეს მხოლოდ 8 კილომეტრის გავლა გიწევთ და ბილიკის 99% დაღმართია. ბილიკი თავდაპირველად სამანქანე გზა მიუყვება, შემდეგ კი ტყეში, ფერდობზე ეშვება და ჩადის მესტიაში.