ჭალაადის მყინვარი

ჭალაათის მყინვარის ენის სიმაღლე 1850 მეტრია ზღვის დონიდან. იგი უშბის, ჩათინის, ბჟდუხის და დალაყორის ნაკადებით საზრდოობს. ჭალაადი ერთადერთი მყინვარია, რომელიც ტყის ზონაში იჭრება და 1960 მეტრზე ჩამოდის ზღვის დონიდან.

ჭალაადის მყინვარი მესტიიდან 15 კილომეტრში მდებარეობს. მაღალი გამავლობის მანქანით 12 კილომეტრის გავლა შეგიძლიათ, რაც სალაშქრო მანძილის სიგრძეს (1 გზა) 3 კილომეტრამდე შეამცირებს. სალაშქრო ბილიკი ზღვის დონიდან 1670 მეტრზე იწყება და ადის 1950 მეტრამდე. ბილიკის პირველი 2 კმ მიუყვება ტყეს, ხოლო დარჩენილი 1 კილომეტრი მოგიწევთ ქვიან რელიეფზე ლაშქრობა. ჯამში ფეხით გასავლელი, იმ შემთხვევაში თუ საფეხმავლო ბილიკის საწყისამდე მიხვალთ 6 კილომეტრი გექნებათ (ორივე გზა). ბილიკი არის მარტივი სირთულის.

აუცილებელია მყინვართან დაიცვათ უსაფრთხოების ნორმები. ნუ მიხვალთ მყინვართან/ყინულთან ახლოს, რადგანაც ხშირია ყინულის ჩამოტეხვა. ასევე ხშირია ქვათაცვენა, ამიტომ შეეცადეთ, რომ მაქსიმალურად უსაფრთხო დისტანცია დაიჭიროთ. მოერიდეთ ლაშქრობას წვიმიან და ნისლიან ამინდში.